|
|
|
The Slave trade route |
|
Publica: Wednesday 19 November 2008
De Nationale UNESCO Commissie Aruba heeft de eer u uit te nodigen voor de presentatie van de DVD: 'PLACES OF MEMORY ' OF THE SLAVE ROUTE IN THE LATIN CARIBBEAN' Een productie in het kader van het UNESCO project: The Slave Trade Route, samengesteld door deskundigen van de Dominicaanse Republiek, Haiti, Cuba en Aruba. Datum : woensdag 19 november 2008
Plaats : Biblioteca Nacional Aruba
Tijd : 19.00 - 21.00 uur  Met een inleiding door dhr. Herman van Hooff, directeur van het UNESCO regio kantoor voor Cultuur van Latijns America en het
Caraibisch gebied en presentatie productie 'SITIOS DE MEMORIA' door co-auteur de heer Luc Alofs.
|
|
|
Alameda di Quito Nicolaas |
|
Publica: Tuesday 18 November 2008
'Alameda' - Quito Nicolaas
Importante: E presentacion di buki a keda posponi pa Diamars awor dia 25 di november pa 8’or di anochi. Diamars dia 25 di november proximo lo keda presenta un buki cu un coleccion di storianan di Pasco. E storianan ta trata e temporada di Pasco y Aña Nobo na Aruba.
 Tur aña rond mundo nos ta celebra e dianan di fiesta di Pasco y Aña Nobo. For di tempran, esta for di luna di october ta cuminsa cu e preparacionnan aki. Ultimamente el a bira un fiesta cu e.o. e cas ta na turno pa haya un otro cara. Pa otronan e ta nifica algun dianan di sosiego of pa refleha. Rond mundo y akinan den nos region tambe tin hopi cu ta pasa den meste.
Cada famia ta experencia y celebra e dianan di fiesta na un otro manera. E coleccion di storianan aki, a keda publica ultimo añanan aki den e diferente corantnan. Den esei e temporada di Pasco y Aña Nobo ta forma e decor, den cual e storianan ta tuma luga. Pa e motibo aki tambe por considera e storianan aki como Storianan di Pasco. Intencion tras di esaki ta pa despues di tur e dianan di preparacion yega na un momento di descanso y refleho. No tin nada mas miho e ora ei di sinta lesa un storia y dedica bo mes na literatura. Mescos cu na America-Latina, Africa, Merca y na Europa, asina tambe nos mester bay ta stimula un tradicion di lesa y conta storianan di Pasco.
Den e coleccion di storianan aki nos ta topa cu un variedad di temanan den nos comunidad. Temanan cu ta describi con nos a fabrica e sociedad Arubiano. Un comunidad cu, cu tempo a desaroya su mes y cu a forsa cierto cambionan den comunidad. No solamente e mecanismonan di nos sociedad ta bin padilanti. Pero tambe diferente otro tipo di procesonan y fenomenonan, manera e.o. violencia sexual, ta keda trata. E storianan ta ser conecta na nan turno cu cierto acontecimentonan mundial, di cual influencia nos ta ripara diariamente. E actualidad recien tambe a haya un papel, unda e matrimonio ficticio di e dama Penelope cu esnan local ta forma parti di un di e storianan. E integracion den un comunidad tambe ta un di e temanan. Fuera di esei e cuadra den cual e storianan ta ser conta, no a keda limita na e fronteranan di Aruba.
 Quito Nicolaas (Aruba) ta conoci como poeta/escritor y recencista pa e revista Caribe Magazine. Ademas e ta miembro di honor di e prome organisacion literario na Hulanda, Stichting Simia Literario. Como autor e ta destaca pa su estilo di skirbi, e structura di e storianan y su temanan.
For di 19.30 lo tin un antesala, unda e publico por adkiri un ehemplar di e bunita buki aki. E buki aki lo ser firma y ta costa unicamente 30 florin. |
|
|
Olga Buckley a bishita muchanan di 3 diferente scol |
|
Publica: Monday 10 November 2008
Olga Buckley a bishita muchanan di 3 diferente scol  Den cuadro di e Festival di buki pa Mucha cu Biblioteca Nacional Aruba a organisa, Olga Buckley a percura pa un bunita presentacion na tres diferente scol diabierna ultimo. Olga a conta e muchanan algo di su mes y su bukinan y el a papia riba e buki di mucha “Bencho ta dual”. Tambe el a conta algo di “Bencho ta gana un bais” cu ta cla caba pa bai librerianan local.
 Olga a splica e muchanan kico ta poesia, kico ta rima y kico ta poesia ritmico. Olga tin e experencia y talento pa tene e atencion di e muchanan pa basta rato. Algo cu no ta facil. Olga a traha un poesia special pa mucha di un burico namora cu e luna. Hunto cu e muchanan a lesa y a declama esaki.
Muchanan a participa activamente na e programa y a pasa pret. Nan a canta, bati man y a nan a toca instrumento. |
|
|
Un rato cu Ted van Lieshout |
|
Publica: Thursday 6 November 2008
Un rato cu Ted van Lieshout  Cu animo y entusiasmo Ted a entretene muchanan di Colegio Sagrado Curazon y Colegio Sta. Theresita awemainta. Ted a conta algo di su mes y a declama diferente poema pa e muchanan di scol. Tambe el a pinta bestia y a duna nan algun ehercicio pa pinta. Hunto cu Ted e muchanan por a practica pa traha un poema cortico. Esaki a bay basta bon, mayoria mucha a logra di traha un poesia di dos pa cuater frase.
Ted van Lieshout (Eindhoven 1955) ta biba na Amsterdam. Ted ta un dobel talento: escritor y ilustrador y e ta hopi productivo. Tur aña tin buki nobo di dje riba mercado. Por fia Ted su bukinan na biblioteca.
|
|
|
Fiesta pa clausura siman di buki |
|
Publica: Wednesday 5 November 2008
Clausura di ‘Festival di buki di mucha’
Invitacion pa un fiesta di mucha na biblioteca na San Nicolas  Biblioteca San Nicolas ta invita tur mucha pa un fiesta diabierna atardi. Esaki ta ultimo actividad di e ‘Festival di buki pa mucha 2008’. Tin diferente actividad pa mucha manera contamento di storia y pintamento. Mucha por haya blas y por pinta cara.
Di 3 pa 4'or lo tin contamento di storia. Despues ta bai tin presentacion di Scol Caiquetio y Paso pa futuro. Muchanan presente por subi stage tambe pa declama nan propio poesia.
Autornan cu a participa den ‘Festival di buki di mucha’ lo t’ey pa bisa ayo na e muchanan di Aruba: Hulanda/Belgica: Ted van Lieshout, Bart Moeyart, Joyce Herry, Corsou: Tio Ali, Tanchi Merly Augusta, Gibi Bacilio, Richard Hooi, Boneiro: Gaby Mercera, Aruba: Munye Oduber-Winklaar, Gino Vrolijk, Desiree Correa, Diana Marchena, Astrid Gietel, Olga Buckley, Jacques Thönissen.  Ademas ta invita mucha pa participa na e Mercado di Purga pa Mucha. Mucha por trece cosnan di hunga bieu, buki bieu pa bende. (Corda trece un clechi pa sinta ariba). Bo no tin nada di bende? Bin cumpra coi hunga di otro mucha.
Fecha: Diabierna, 7 di november
Ora: 4’or – 6’or di atardi
Lugar: Biblioteca San Nicolas 65 scol na Aruba ta participa na e Festival di Buki pa Mucha cu ta tuma lugar e siman aki (di dia 2 pa 7 di november 2008). Biblioteca Nacional Aruba ta organisa e Festival di Buki pa mucha den cooperacion cu Departamento di Enseñansa, Instituto Pedagogico Arubano, Stichting Culturele Manifestaties NANA. |
|
|
Yerba Seku |
|
Publica: Wednesday 5 November 2008
Poesia ritmico cu Yerba Seku bao palo  Den cuadro di Festival di Buki pa Mucha, muchanan di St. Franciscus College y Rosario College a haya bishita di e poeta autor Yerba Seku.
Ful e siman aki un grupo di autor, contado di cuenta y musico ta bishita scolnan basico y preparatorio na Aruba y tambe Ciclo Basico di EPB.
Nan ta lesa for di nan buki, conta cuenta, canta y declama pa e muchanan. Un di e poetanan invita ta Sr. Richard Hooi ‘Yerba Seku’ for di Corsou.  Hooi ta skirbi bou di e nomber Yerba Seku cu ta e traduccion na Papiamento di su fam “Hooi”. Ki dia el a cuminsa skirbi e no ta corda, si e ta corda cu e tabata den su prome añanan na MULO.
Muchanan di Rosario College a sinta cu Yerba Seku bao palo y a scucha storia y poesia di Yerba Seku.
Tambe nan a haya oportunidad pa spontaneamente declama poesia di nan mes. |
|
|
Cine spiritual |
|
Publica: Wednesday 5 November 2008
Dianan: 7, 14, 21
November 2008
19.00 pm
Access Art Gallery
Caya Betico Croes 16-18 Kico ta un cine spiritual?
Un cine spiritual tin den dje un cuenta cu ta pone esnan cu ta mira e cine pensa riba ken nan ta y di ki manera nan ta forma parti di un totalidad. E cinenan aki ta lanta serca hendenan e pregunta tocante e manera cu nan ta para den bida y con nan ta anda cu otro.  Den un cine spiritual, compasion y of ser hende ta bini pa dilanti. E cine ta invita pa reflexiona, medita, pensa y haci un apelacion riba e asombro tocante ser hende den nos tempo. Por saca inspiracion pa un cine spiritual for di bida diario, for di tradicionnan, custumbernan, (Santa) escrituranan y elementonan for di tur sorto di creencia. No ta e intencion pa moralisa y bisa hende con nan tin di hiba nan bida. Tampoco ta e intencion pa proclama un solo berdad.
Temanan e aña aki:
1. Kiko ta e sentido di bida?
Den prome instante e pregunta ta parse dificil. E cine tocante e
topico aki ta duna algun contesta.
2. Di unda maldad ta bini?
E cine ta tuma como inspiracion e buki di Job.
3. Cultura y consenshi di hobennan. Hobennan ta superficial, indiferente y leu for di adulto nan? Of mester busca un otro manera pa acerca nan?
Despues di cada cine tin un reflexion cortico y oportunidad pa comparti. |
|
|
Dept. Arubiana ta muda |
|
Publica: Wednesday 5 November 2008
Dept. Arubiana ta muda
Biblioteca ta sigui expande  Departamento Arubiana ta mudando. Esaki ta e departamento cu tin na su encargo e responsabilidad di colecciona, warda, organisa y preserva tur material cu ta forma parti di e memoria, principalmente skirbi, di Aruba y ta pone e coleccion disponibel pa comunidad.
 Cu tempo e coleccion aki y asina tambe e servicio na e comunidad a crece y e departamento aki a bira e centro di informacion y documentacion Arubiano, Antiyano y Caribense na Aruba. Logicamente, y como consecuencia di e crecemento aki, e espacio actual a bira mucho chikito. Pa por duna un servicio optimal Sala Arubiana ta muda pa un edificio mas grandi den Bachstraat 4, cerca di e edificio principal di Biblioteca Nacional Aruba.
Pa algun luna caba e trabaonan di renovacion na e edificio den Bachstraat ta tumando lugar. E renovacion tabata na encargo di FCCA. Na november Dept. Arubiana ta muda pa su cas nobo. |
|
|
|
|
| |
E dianan ta : pa mucha di Diamars pa Diahuebs. Ora, di 3’or pm pa 5’or pm. 
Munye Oduber-Winklaar a laga muchanan di scol sinti e placer di declama poesia y baila riba poesia ritmico. Munye tin mas o menos trinta aña caba trahando como docente di scol y bo ta wak esei di biaha. 
Cu duele nan a laga Munye bai un otro klas. 
Arubahost