|
|
|
|
|
|
|
Primi aki pa: manual di EBSCO
Primi aki pa: flash video di EBSCO
 Cu mucho gusto nos ta purba di yuda muchanan di scol basico cu informacion pa presentacion, spreekbeurt of sea werkstuk. Nos tin algun articulo prepara cu por usa pa scol of sea djis pa lesa pa haya sa mas di e topico. Tin diferente topico di Aruba cu por download libremente. Nan ta na Hulandes. Si tin mester di mas informacion pasa bishita biblioteca na Playa of na San Nicolas. Nos ta warda bo. Klik riba e imahen pa yega na e pagina.
|
|
|
Contamento di storia cerca nos grandinan cu Amarilis Velázquez |
|
Publica: Thursday 2 July 2009
Contamento di storia cerca nos grandinan cu Amarilis Velázquez  Biblioteca Nacional Aruba a clausura su proyecto ‘Contamento di cuenta pa nos grandinan’ diahuebs ultimo cu un presentacion na St. Michael Paviljoen. E presentacion tabata den man di e contador di storia Sra. Amarilis Velázquez. Amarilis a conta storia di Nanzi na su publico cu hopi entusiasmo y smak. Amarilis a bishita 4 cas di anciano hunto cu e team di biblioteca.
Amarilis Velázquez
 Amarilis Velázquez (Aruba, 1941) a studia pa docente di Spaño como 40 aña pasa. Y despues el a sigui studia Papiamento. Amarilis a traha na diferente scol na Aruba y el a biba y el a traha pa hopi aña na Hulanda y Corsow. Na Hulanda el a sigui entre otro curso pa conta cuenta. Semper e tabata tin hopi interes pa e desaroyo di Papiamento y a traha tambe como traductora. Amarilis semper a gusta conta storia, esei ta algo cu el a tuma over di su tata. Amarilis tin un trayectorio largo riba tereno di idioma y tereno literario. El a traha hunto cu autornan Antiyano riba diferente proyecto. E amor pa conta storia a keda semper mes un fuerte y e biaha aki Amarilis a traha hunto cu biblioteca na e proyecto pa nos grandinan. Como di dos parti di e programa tabata tin cantamento cu e grupo musical di biblioteca ‘Goza un tiki’. Goza un tiki
E Grupo musical ‘Goza un tiki’ di biblioteca a entretene e publico cu nan repertorio cu ta consisti di 12 cantica. Canticanan clasico cu nos tur conoce. Nan a canta canticanan manera “Potpuri di Tumba” y “Dugu dugu sin saus”. E grupo ta wordo forma dor di empleadonan di biblioteca y coleganan di Archivo, ICA cu BID. Cada siman e team a bishita un cas y a ofrece un presentacion di un ora. Meta di e proyecto aki ta pa yuda tene e habitantenan di e casnan socialmente activo y pa haci promocion di lesamento. E bunita proyecto aki ta un iniciativa di Biblioteca Nacional Aruba y a bira posibel cu subsidio di UNOCA y Biblioteca Nacional Aruba ta gradici UNOCA pa esaki. |
|
|
Cuido di diente pa 60-plussers |
|
Publica: Wednesday 1 July 2009
Cuido di diente pa 60-plussers  Biblioteca Nacional Aruba ta ofrece un charla riba e tema ‘Cuido di diente’ specialmente pa personanan riba edad di sesenta aña.
E charla ta wordo duna diahuebs dia 9 di juli na Biblioteca Nacional Aruba, den sala Diamante 11:15 di mainta. Orador ta Sr. Mirto Tromp, mondhygieniste. Tur 60-plussers ta bonbini y e charla ta completamente gratis. |
|
|
Red Palm Weevil |
|
Publica: Wednesday 1 July 2009
Update Red Palm Weevil Desde cu mi a skirbi biaha pasa e presencia y daño di Red Palm Weevil ta aumentando keto bai. E bestia aki ta famia di e guru-gurunan cu ta drenta nos hariña, bonchi, macaroni, aros etc. pero e no ta parce den tamaño. E ta hopi mas grandi. Di punta pa punta e ta como 3 cm. E color por varia, di preto pa shinishi y di oranje pa cora. Den e ultimo temponan aki nos a haya un cantidad di hende ta yama pa pone e trampanan na nan propiedad y pa nos bin mira con nan palma a cai den otro. Lastimamente mucho lat, pasobra una vez e palma cai den otro, su morto ta sigura.
 Desde Maart pa awor nos a pone 120 trampa rond di Aruba, mas parti pabou di brug. Di e 120 nan aki 15 cliente a raporta di a haya Red Palm Weevil den nan trampa. Esei ta un indice masha halto y ta mustra cu e malandro aki ta zwerm y expandiendo su teritorio. Den un trampa nos a haya 15 Red Palm Weevil. Varios hende a haya uno riba muraya di cas. Esaki ta esnan conciente di e insecto aki. Mi no kier pensa di esnan cu no sa di dje of no a wordo ripara. Te awor nos tin 23 propiedad infecta, gran mayoria di Paradera bai abou. Tin propiedad cu uno, dos, tres of mas palma infecta. Tipo di palmanan cu por wordo infecta ta 19 total. Mi ta bai menciona e palmanan
cu ta mas comun aki na Aruba. 1. Tur sorto di Dadel Palm
2. Pali coco
3. Washingtonia Palm
4. Sabal Palm
5. Sugar Palm, Butia Capitata
6. Royal Palm
7. European Fan Palm
8. Fish tail palm
9. Ribbon Palm  Si bo tin duda ki sorto di palma bo tin, mandami un bon portret pa mi e-mail y lo mi identific’e pabo. florececuroy@yahoo.com Te ainda nan gusto ta ge-mik riba e dadel palm, cualkier dia nan por expande pa otro palma. Pesey mi ta kere cu cualkier hende cu tin Dadel Palm, no laga di laga instala un trampa, por fabor, check e trampa tur dia, y reporta cualkier ocurencia di e malandro na nos departamento di landscaping 583-2650 ext 245 of 246. Cu ayudo di henter nos comunidad nos por combati e menasa serio aki.
|
|
|
Alicia Driehoek |
|
Publica: Wednesday 1 July 2009
Danki Aruba pa bo hospitalidad.  Un di e ultimo neishinan di Driekiel a wordo traha door di e Driekiel “Alicia Driehoek”. Tabata su di ocho neishi pa e temporada aki. Probablemente awor e ta landando bek pa e awanan friew di e parti Norte di e Oceano Atlantico, banda di Canada, Nova Scotia, na unda e turtuganan Driekiel ta biba. Eybanda nan ta haya nan cuminda favorito: Lolo di awa. E temporada di ponemento di webo ta cabando. Te cu aworaki 69 neishi a wordo poni dor di 10 diferente turtuga Driekiel na e beachnan turistico di Aruba (Arashi, Palm Beach, Eagle Beach y e area di Low Rise Hotel). Den e proximo dos luna e neishinan lo bai sali. Pa medio di e voz di Turtugaruba – e turtuganan kier expresa nan gratitud: danki Aruba pa bo hospitalidad!
Pa raporta cualkier actividad di turtuga di laman, por favor yama mes ora: Turtle Hotline 592 93 93 (24 ora, 7 dia pa siman). Si bo tin e number di Turtle Hotline den bo cell caba, controla por fabor si e ta e number corecto. |
|
|
Curso ‘Historia di Hudaismo’ |
|
Publica: Wednesday 1 July 2009
Biblioteca Nacional Aruba ta ofrece un curso riba ‘historia di Hudaismo’ pa adulto
Curso ‘Historia di Hudaismo’ Biblioteca Nacional Aruba ta ofrece un curso ‘Historia di Hudaismo y e historia di e hudiunan pa adulto. E curso ta un introduccion pa esnan cu kier sa mas di e historia Hudaismo. Durante 8 siman ta trata diferente tema.
 E grupo meta ta adulto. Idioma di instruccion ta Ingles. E curso ta cuminsa dialuna 27 di juli proximo y ta dura 8 siman, orario ta di 17:45 pa 19:45 PM. Tur les ta riba un dialuna. Ultimo dia di curso ta dialuna dia 14 di september 2009. E curso ta wordo duna dor di Rabbi Dr. Mario Gurevich, MD. Dr. Mario Gurevich, MD ta e rabbi di Beth Israel Sinagogo na Oranjestad. E curso ta un iniciativa di Biblioteca Nacional Aruba, centro pa informacion y conocemento. Den su afan pa ofrece informacion den diferente forma, Biblioteca Nacional Aruba ta organisa actividad durante henter aña pa grandi y chikito. Pa mas informacion encuanto gastonan envolvi y inscripcion por yama biblioteca na 582 1580 ext. 259. Persona di contacto ta Sra. Gina of por manda un email na info@bibliotecanacional.aw |
|
|
Drum Set & Percussion Camp |
|
Publica: Wednesday 1 July 2009
Drum Set & Percussion Camp Pa medio di esaki Carlos Bislip ta desea pa comunica na comunidad Arubano lo siguiente.
Ta asina cu pa e vakantie aki di aña 2009 Carlos lo ta ofreciendo hobennan e oportunidad pa atende un “Drum Set & Percussion Camp”. E obhetivo di e “Drum Set & Percussion Camp” aki lo ta introduci na e hobennan e amplio y bunita mundo di percussion, tambe pa duna nan e oportunidad pa siña e fundamentonan di musica atravez di e colornan maravilloso di e famia di instrumentonan aki. Carlos ta plania pa logra obhetivonan aki dor di duna e hobennan instruccion musical den diferente materia di dicho disiplina. Por ehempel: Teoria Musical y Solfeo Ritmico, Technica di Snare Drum, Latin Percussion (Hand Percussion), Drum Set. Percussion di Tono Multiple. E campamento lo tuma lugar na Skol di Arte na San Nicolas y core for di Juli 13, 2009 te cu Augustus 07, 2009 di Dialuna te cu Diabierna ( un total di 20 dia). E Campamento lo consisti di tres diferente seccion, cada seccion lo tin 7 pa 10 studiante.
SECCION 1 (EDAD 10 y 11)
SECCION 2 (EDAD 12 y 13)
SECCION 3 (EDAD 14 , 15 y 16)
E meta den termino cortico di e campamento aki lo ta pa duna un recital chikito na final di e temporada. E meta den termino largo lo ta pa selecciona 12 studiante pa asina forma dos Ensemble di Percuccion, cu lo reuni dos biaha pa siman pa ensayo durante e aña escolar 2009 -2010 y pa periodicamente duna concierto na e comunidad Arubano.
Si bo ta desea pa bo yiu volg e campamento aki, por fabor pasa na Skol di Arte cu ta localisa na San Nicolas, Pastoor Hendrick str # 103 of na oficina di UNOCA cu ta localisa den Cas di Cultura, pa asina bo yena un “Formulario di Registracion”.Carlos Bislip ta gradici UNOCA pa ta e “main sponsor” di e campamento aki y tambe Cliffix N.V. y Scol di Musica Rufo pa nan generoso sosten di e proyecto aki. |
|
|
Hofi Literario |
|
Publica: Wednesday 1 July 2009
 |
|
|
|
|
| |
Biblioteca Nacional Aruba ta organisa un curso specialmente pa personanan riba edad di sesenta aña. Ta siña e cursistanan con pa busca informacion riba Internet pa medio di e diferente asina yama ‘search engines’ y usa email pa keda den contacto cu amigonan y famia. Ta trata e principionan basico y tambe con pa aplica tur cos den practica.
Arubahost